TOM ROGER AADLAND

Før me går inn i det gode rommet

Tom Roger Aadland — Sat, 14 Apr 2012 08:15:48 +0000

Eg har hatt ei intens, men inspirerande veke. Saman med dei flotte musikarane eg går i studio med på måndag, har eg testa ut ei god bunke nyskrivne låtar. Som eit ledd i førebuinga til studio heldt me også to konsertar, i Oslo og på Hamar.

Å arbeide i studio er nok ein av favorittane mine blant alle aktivitetane som utgjer musikarlivet. Den rolege, men fokuserte atmosfæren når alle jobbar saman for å finne den rette innfallsvinkelen til kvar enkelt song, den gode kjensla når ein har kome fram til det forløysande opptaket – alt dette opplever eg nesten som litt magisk.

At me denne gong spelar inn i legendariske Rainbow Studio, der atmosfæren av Keith Jarret og Jan Garbarek heng igjen i veggane – vel, det gjer ikkje akkurat opplevinga dårlegare for meg. Men i neste veke er det berre songane som gjeld.

Songar, reiser og språk

Tom Roger Aadland — Sun, 25 Mar 2012 06:58:33 +0000

Då er eg tilbake i Noreg med både hovud og hjarte etter 9 ½ flotte veker i KwaZulu-Natal, Sør-Afrika denne vinteren. I Sør-Afrika brukte eg mykje av tida til å skrive nye songar til det komande albumet. Resultatet er lovande, og plata kjem til hausten.

Eg merka at eg sakna konsertenergien den siste månaden i Sør-Afrika, og det var derfor triveleg å bli invitert til å spele på opninga av utstillinga til fotograf Peter Engblom i Durban. Takk også til fløytist Kristine Lillebø, som spelte saman med meg.

Saman med Olav Christer Rossebø har eg allereie besøkt mange flotte stadar her til lands på årets vårturné, meir om det etter kvart. Akkurat no er eg fasinert og imponert over arbeidet til Ivar Aasen, som reiste landet rundt i over tretti år på midten av attenhundretalet, for etter kvart å grunnleggje eit språk som låg nærare opptil korleis folk rundt omkring i landet faktisk snakka. Snakk om å vere gründer – kva med å grunnleggje eit språk!

Regn til inspirasjon

Tom Roger Aadland — Mon, 28 Nov 2011 15:55:05 +0000

Etter at me avslutta turneen i Nord-Noreg, køyrde eg åleine gjennom Finland og Sverige på veg til Oslo. Lange strekk å køyre, men også ei flott oppleving. Bjørk, gran, snø, reinsdyr. Av ein eller annan grunn får eg ofte musikalske idear mens eg køyrer bil (å vere passasjer i buss har ikkje same effekt), og strekninga Luleå-Sundsvall var god i så måte. Styrtregn og vindaugsviskarar som metronom må ta litt av æra. Så får me sjå når hjula ein gong har stansa.

Fine folk

Tom Roger Aadland — Mon, 14 Nov 2011 08:26:35 +0000

Noko av det fine med å reise rundt og halde konsertar er dei flotte menneskja ein treff. Av og til er dei arrangørar, av og til publikum, av og til begge deler. Hatten av for alle gode folk på «Himmel … Les videre →

Musikk på vegen

Tom Roger Aadland — Sat, 12 Nov 2011 09:47:56 +0000

Me kjem til å leggje ganske mange kilometer bak oss neste veke, og mens me ventar på Nordlyset, er det alltid trøyst i god musikk. Det er interessant og triveleg å reise saman med mandolin- og felespelar Olav Christer Rossebø, som har god kjennskap til eit spekter av skandinavisk folkemusikk, så vel som til mykje amerikansk musikk (og anna). I går hadde han med seg i bilen eit opptak av det flotte fele- og gitarensemblet The Mississippi Sheiks frå 30-talet. I dag trur eg kanskje Townes van Zandt står for tur, ein glitrande låtskrivar som gjekk bort altfor tidleg.

Tilbake i nord

Tom Roger Aadland — Tue, 08 Nov 2011 09:27:45 +0000

Så er eg tilbake i nord. Eg har mange fine bilete på netthinna frå turneen i fjor – av menneskje og av landskap – og gler meg til å halde konsertar frå Bodø til Kirkenes. Denne gong har eg ambisjonar … Les videre →

Å snakke/syngje Dylan

Tom Roger Aadland — Sun, 30 Oct 2011 07:50:46 +0000

Eg har nettopp avslutta ein travel, men interessant konsertserie under Litteraturfestivalen i Akershus. Nytt for meg denne gongen var at eg opna dei fleste konsertane med eit føredrag. Å snakke om Dylan er definitivt ei anna utfordring enn å syngje songane … Les videre →

Vaktskifte

Tom Roger Aadland — Thu, 20 Oct 2011 08:53:46 +0000

Då har det vore vaktskifte i duoen. Interessant å skifte ut pedal steel, dobro og elektrisk gitar (Kjetil Steensnæs) med fele og mandolin (Olav Christer Rossebø). Både songane frå «Blod på spora» og «Det du aldri sa» kan tåle mange … Les videre →

Voss i morgontåke og ettermiddagssol

Tom Roger Aadland — Thu, 13 Oct 2011 13:56:24 +0000

Ein flott dag på Voss. No gler me oss til å spele i det nye flotte kulturhuset i kveld. Det er også spennande å gjere Blod på spora i duoformat. Multiinstrumentalist Kjetil Steensnæs fargelegg songane med pedal steelgitar, dobro, banjo, … Les videre →

Fine tilbakemeldingar

Tom Roger Aadland — Fri, 07 Oct 2011 06:50:34 +0000

Me fekk fine tilbakemeldingar etter konserten i går. Mykje om musikken sjølvsagt, men mange kommenterte også at Edgar Bachel sine lysbilder fungerte veldig bra. Synd eg ikkje fekk sett dei, men då måtte eg hatt ryggen til publikum!